الدنيا ساعه وعمر البنادم دقيقه
وچم دقيقه انظمت عليها الحقيقه
والبشر خلصها يركض عمره مازارع حديقه
عيش ورده وكل فراشه تحط عليك
هوايه راح تشوف تتعنه وتجيك
وانت تختار اعله كيفك
ياهو بايع ياهو رايد يشتريك
يا إله الماي شلالك عجيب
وعنده قربان التضرع طاسه ماي
اطينه ماي وهاك هاي
هاك بيعة كاهن بعيد الحبيب
هاك نصرت اعمى واحساسه الجيوش
يوگف بجانب جمالك في صراعك
في صراع الالهه بيوم الجمال
مايخونك أمن وانزع قناعك
هوه يعرف ياهو انت وماكو حاجه تضم عليه
والمثل هذا انصحك تشتريه
اشتريه وعيش لحضات النصر
ابو باچر ياهو صار؟
واحنى ولد اليوم شعليه العمر
انظر بأعماق عينه وشوف روحك
انت مو هذا شعارك؟
انت راح تشوف روحك في تجاعيد الجروح
انت ماعندك جروح ولكن تسبب جروح
انت روح ومن تروح الرعيه تضل بلايه روح
وهذا موسم للتسلق للگلب مو للسماء
الكاهن اول وصل گلبك
شوفه ومخضب دماء
بيا طريقه ؟ المهم يوصل مو مهم ذاك العناء
افتحله گلبك خله يگعد يستراح
سلمه جائزت الخلود وعنده وياك اقتراح
اقتراح يسوي قلعه بلا نفاق
وانت تتنصل امير بلا منافس
البساطه تعم دولتك والنفائس
وألغلي قانون الفراق
وبيدك تشرع قوانين العناق
عيش حاكم في زمانك واترك الكاهن يعيش
عفواً الكاهن ،، تگدر تسويه وزير
اي نعم بس مايطالب باچر تخليه يطير
وانا اگلك مايطير
بس يطير
اذا طب القلعه واحد وانت خليته امير
راح تكفر بالمبادئ وهذا شرعاً مايصير
ويابشر هذا الامر يگدر يطيقه
الدنيا ساعه وعمر البنادم دقيقه
جواد الجابري
