ماشين بدرب مجهول بقلم كرار الركابي

ماشين بدرب مجهول

مانملك هدف ثابت

نسولف عالورد 

والحيل على ترابه العرد نابت

ونعيش بربيع ايام 

فرهدها الخريف وظال واهسها الوكت فايت

اليعيش بظل كبل ..ظل الامل ينساه

اليسهر وي ذكرى وي الدمع بايت

ماشين بدرب تعبان

تعب كدما تجاعيده

بظلهن نايم الجوعان بيهن جم حلم ناحت

واحس الكاع تكره كل جدم نعسان

ماخلتله اثر خطوة

الخطوة الترسم بالكاع ممشيه بلا تجوة

من نعرك مسله وهور ..عشب..انكيدو..كلكامش

ومن نشوف حاضرنه بحضارات الدول هامش

ونتاني اليجيب احلام يزرعها 

وتخضر بالنفوس امال 

امال..وتكود الحيل وتوصله

السمار البلوجه عشرة شمس نيشان

الاسمر حيل كلشي الرايده يحصله

ويحصله

وعلى المابيه بخت ملبوس ويفصله

هوانه ثكيل شايل كل حجي التاريخ

بيه اهات من نيبور

بيه انفاس من عشتار

شايل كل شعر ذي قار

مو كل ريه تشتمه ..بس البيها حيل اهوار

وندور عذر خدران من نريد نتقدم

قنعانين بالسووه قبلنه وصعبه نتحزم

 كرار الركابي