رثاء الشاعر الشهيد "علي رشم " بقلم الشاعر عمــار السراي
رثاء الشاعر الشهيد "علي رشم "
شـ أوديلك
ورد لو جرح لو شهگه
بظلام الليل اگعد روحي مختنگه
شـ أوديلك
بقايا جروح عندي وبيها احس برگه
المشاعر شيبت بس شيب مال ازغار
وذبلت دمعتي
واتساگطت عيناي
آخ من الوداع وآخ ياحرگه
شـ اوديلك
اخلي اعله القبر شبگه
لو أموتن فوق منك وانظر الطگه
من بعدك احس ايامي جن ضيگه
الفرح بعدك سكت بأحزانه سد حلگه
شـ أوديلك
ورد لو جرح لو شهگه
فك جرحي البچي ونشفت ارياج الروح
بچيت وما اجيت انته
گلت راح ابچي بالسكته
وأكتم دمعتي بعيني
يخايب ما تحاچيني
جروح الشوق تبليني
شفته اشطرگتلك بيه
من روحي وسواديني
أجيبن عالم الالهام
وعله ظهري اشد احزام
واخلي اوراقي اسنيني
وابدي اكتب واوصف بيك
انا وجداني كله اطيك
واشتاگك وتدريني
اشم عطرك ترافة روح
واخليلك بقلبي اصروح
بس اتدنه تلگيني
من روحــي وسـواديـني ..."
الشاعر عمــار السراي .
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المجلة وشكرا
0 التعليقات: