لا تعاتبي هالقلب بقلم د. رامز عبد

لا تعاتبي هالقلب

لا تعاتبي هالقلب و حالو تسألي

و لا تسألي اديش بدموعو غلي

لو تعرفي اديش بالدقة انكسر

نبضو انعمى بالويل و نشد الوتر

يعصر حنين الليل و دماتو عصر

قلبي قلب انسان مش لكي إلي

كم الورد عطشان نديانو قطر

فات الربيع و هلّ صيف المرحلة 

طلّ الخريف و فلّ فصل المنتظر

صار القمر دبلان هيك بترحلي؟

نبع العشق جفيان ظمآن المطر

دمعة وفا عشقان عفرانو جلي

نور الدفا طفيان بعتامو انغمر

بردان صار النوم هلكان البلي

لا تسألي معليش ع سكوت الحجر

ونّ الضجر هربان بالرمل جبلي

الشوك بحفا مشيان تالجرح انشطر

سالت حنايا الروح يا روحي سألي

رامز عيد 

٢٣/٠٩/٢٠١٦