ضلت ع الدرب عيني ترا بي بقلم الشاعر صادق الموسوي
ضلت ع الدرب عيني ترا بي
الگلب خنجر من افراكك ترابي
خنجر والأشد مسموم
ابكل طبكت رمش ملجوم
حسبالك نزيفه دموم
لا ، ينزف وفة وهموم
اشكد جروح بي معلوم
بگد ماكو بسماك انجوم
بهذا الحال گلبي واني صرت بحال
من گدماحزين عليه تبچي أطفال
دمعات الهجر حفرن اخدوي ثگال
مثل زخ المطر لا مو مطر شلال
شايل بلگلب ظيم ومرار أشكال
شايفلك گلب شايل اهوم جبال
من اصفن وأذكرك انگلب تمثال
المغرب للمفارك مو صعب چتال
تهب الذكريات وتصعد على البال
وأجر حسراتي گوه والدمع همال
بهذا الحال يبقى اليهجر الغالي
يظل يحرگ بدمه ودمعته تلالي
حسبت هواي افارك وانفرد تالي
بس فراگ واحد ما اجه ببالي
ادير عيوني فجئه وما الگه خيالي
وتطلع روحي وتروح
واكله لكلبي وك نوح
جسدبي مادري جروح
عموما عافته الروح
روحي على الحزن تسعى ترا بي
وتطرد كل فرح يتدنى ليه
الشاعرصادق الموسوي
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المجلة وشكرا
0 التعليقات: