حــچــو كلشي علية ومـادرت بــال بقلم الشاعر كاظم الناصري

حــچــو كلشي علية ومـادرت بــال

وسمعهم اشگـــال الــقيل والـــــقال

علية الناس تحچي الوان وشـكــال

واسحگها السوالف جوه الانــــعــال

دوم البي نقص يتحسد الناس 

ولأن ناقص يضوج من اليكملون

انه شايل عقل بي مكتبة نوح

المايصعد العقلي امن اليغرگون

شلت عصاة موسى ابگلبي للقوم

اصلاً شي طبيعي ايضوج فرعون

كفى فخراً ابروحي شايلة اخلاق

ماشالتها قادة امن اليحكمون

البراسة تربع عرش بالقيس

مايگعد ابراسة القاصي والدون

الـ بگلبة زرع حب خبز الايتام

متهمه المناجل واليحصدون

الناس اعلى الله اتسولف اشكال 

رب الله الخلقهم بي يكفرون

اشتترجة ابشر سولتهم القيل

على العبد الفقير اتريد يرضون