ابوذيات بقلم ازهار الفتلاوي

خـذيـت الكـلب منـي شـلون ..تنشل

منشـوفك هيـج كـل عضــاي.. تنشل

ردت روحي ويروحــــك كــون ..تنشل

نخيـط جـروحـنـه ونلـتم سـويه

.............

يالتنشد بجـرحـي اليــوم سل سل

هجم حظي عليه بسيف سل سل

جسمي مـن الالـم والاه سل سل

طبيبي مانفع ودواه اذيه

..............

تمرمـر كلبـي مـن حبه وكـرها

هـد بخنجـره الـروحـي وكـرها

تغيب الشمس من ترجع وكرها

وانـت غيبتك طـالت عـلـيـه


...............

سئلت اهل العقل افتوني شراي

انبعت جوه السعر وانه له شراي

يكلي ابتعد عني اجفه شراي

يا شر اقوه من فركاه ليه؟؟

.................

يمن معروف باصلك وفصلك

وي الروح اخيطنك وفصلك

محال من الكلب تطلع وفصلك

لان حبك قدر مكتوب اليه

...............

الك شوكه بدليلي من يسله

وروحي اليوم رادت من يسله

دموع العين تنزل من يسله

عليمن هل دمع كفي شويه

...............

وحك من بالمهد لحسين لوله

حسبت انت الوفي ومابيك لوله

غدر طبعك طلع صح انه لوله؟

ذيب انت وغرزت الناب بيه

...............

ملت مني الكلب ياصاح ونتي

ذبحني بجذبه ولفي ..انتي ونتي

لفخخ روحي انه بتي وان تي

افجرك وانتحر ونخلص سويه

..............

سويه اليوم رايدتك وقربي

سامحتك ..وذنبك انت قر بي

الكلب مفتوح الك والكل قره بي

احبك انه حد يوم المنيه

.............

المنيه راضي بيه وقابل اني

بهجرك موت اجاني وقابلاني

ولك خاين تضني قابل اني

مثل طبعك وخون الوثق بيه

.............

اليثق بيه ابد ماخون سره

تركت الناس لجله حتى اسره

يمكن بالعرد مدفون سره

قابلني بغدر وافعال الرديه

............

لحظه يبعد الكلب بس استمع مايلي

عطشانه روحي الك يالطلتك ماي لي

تبقة انت نبض الكلب وغيرك ابد ما يلي

وهنياله الي سكن كل عمره يمك ملك

الناس كله خدم وبس انت صاير ملك

مو مثل باقي البشر كله صفاتك ملك

الروح تهوه وتحب بس الوكت مايل

............