كلبي يبحث عن طريق بقلم الشاعر حاتم القصاب

كلبي يبحث عن طريق

غيري يبحث عن طريق

كلشي يبحث عن طريق

والتعب راسه ابنواقيس الكنيسه

وسد طريقه اوذان اخرس

راح يبحث عن رصيف

سد طريق الشوك صفاف الخريف

وماندل ذيج المدينه المثل امه

المثل كلبه المثل شمسه

المدينه الحضنت العصفور والشجرة البريئة

وحضنت النسمه العطرهه سوره مقريه ابصلاة العاشكين
حضنت الماي الرسم شط العوافي
وكسرة الروجه اعله حنطه اتجيب كسرات الخبز للناس واكثر

المدينه المنهه جنسية نهرنه

المنهه جنسيه شجرنه

والعصافير التدور

والمفاتيح التدور 

المدينه الماغفت نظرتها نور

التراب ايصلي الها والجبل يخشع بسيط

وكلشي بيهه ايظل بسيط وهي بالكلشي تحيط

وانه اندلهه اببساطه 

لكن ابحث عن طريق امعطر ومرشوش طيب

وغافيه ازهور اعله طوله

ونهر من كلبي حنينه

حتى مااتيه المدينه

حتى تعشكني المدينه