شكد حجوا كالو نساك بقلم ازهار الفتلاوي

شكد حجوا كالو نساك

والنصيحه توجهتلي..لاتصدك بالهواك

جذبتهم ..كلت حساد ويدورون الفراك

تصورت يردوني اعوفك 

وجنت حاسبتك ملاك

ومن سالتك شفتك تميل الحجيهم

وانت راغب للهلاك

شو دكلي شلون جافاني هواك

وشلون هانت عشرتي وبعت الشراك

تراهنت روحي على حبك

و جانت ادخيله بحماك

والعرب تحمي الدخيل 

تحرسه من عدوانه كلهه

ويطمئن مايبقه شاك

تالي تتركني العذابي

وانت تدري شكد غلاك

لاتظن ابقه اني احبك

ولاتظن ينشدني عنك وانه اكولن اي هذاك

اشكد عزيزه الروح تبقه

وما اذلهه ولاتظن ابقه برجاك

انساني انته وروح وبعد

مايهمني اليوم منهو الي شراك

يلبعتني اليوم اكلك

مايعذبني هواك