مجلة الوان أدبية

قال الامام علي (عليه السلام )
من طرق باب الناس طرقت بابه
صدق الامام علي (عليه السلام )
بالدايه تحبها تعشگها بجنون
واني غيرك مااحبن ثاني
اقتنعت المسكينه كالت حبني موت
وهو روحي ومنبعي وجداني
اتعلقت بيك وكلبه شگد ضعيف
وحبتك هي وكلبها يعاني
وكامت تسولفلك الكلشي يصير
اتكلك اسمعني الهضم جواني
وانت اي حبي اسمعك احجي عاد
اي حبيبي احجيلي يمج اني
وفضفضت كلشي وحجتلك ماتخاف
تكلها احبك مايصح اي ثاني
حبي والعباس احبك كلبي نار
وهيج احسج شتله نص ودياني
امنيتي اشوفج حتى افوخ من الجروح
وبس اشوفج يطفي كل بركاني
وغرها كل هذا الحجي العنه حجيت
وكالت انت الروح مو تنساني
كالها اني انساج بس لمن اموت
دزي صوره الشوگ الج بجاني
وامنت دزت الك يبن الرذيل
الله حلوه الصوره ياعنواني
وبعد يومين وتهدد يالجبان
انطيني هالكد لا اسولف اني
وخافت ودزتلك ال انته تريد
وانته كدها وتحجي ماكفاني
شنهو ذني شويه يالله بسرعه عاد
وانته نطفت حيض اكبر زاني
باجر ويااك وعلي نفس المصير
واختك تحبلها واحد ثاني
وبيها راح يصير كل ذاك الكلام
وتمشي تشكي للغرب اذاني
عيب كل هذا الحجي يبن الحرام
والله ماينسه الجره بس تاني
اليهدده مره موش ابن ابوه
يسال امه يروح ابنمن اني