شتحمل بعد بقلم الشاعر همام الزغيبي

شتحمل بعد

صحيح العوز ذبني وبعت كلشي الجان 

ولاكن ما أبيعن ماي هالكصه ؟؟؟

يوسف ماتحمل ربع ظيمي ألحان

هسه أني إلاسولف وشرح القصه

جمعتنه الصريفه اولمت الخوان

عشنه أبفد حصيره وناكل بكرصه

أمس خلاني أبوي أمهلس الجنحان

حاجه أمي وعمامي وبيه هم وصه

بس غمظت عينه وحضرت دفان

ذبوني عمامي اوباكوا الحصه ؟؟؟

أحس ابن أمي خاتل بي الف شيطان

اويتلبد واشوفه يدور الفرصه ؟؟؟

هاوي يسوي كلشي اسوايت الغمان

يريد بظهري عمدن خنجره يرصه

شتحمل بعد من ظيم من أحزان

خاويت الوكت وبحلكي حط شصه

كبرت الزغار أبتعب هالذرعان ؟؟؟؟

ابيتي الي يخر والينكث بجصه

صياد السوالف واحجي بالوجدان

والصكر الئريدة اتفنن بكنصه ؟؟

أمس راحت رجال التخرش الميدان

اوظلت بس رجال التمشي بالعصه