شو بخاف بقلم الشاعر محمد غادر

شو بخاف...

شو بخاف اوعى ما شوفك حدي...

أندهك بالليل والصوت ما يودي...

تتركني وحدي ودموعي ع المخدة...

شو بخاف...

يسرقك العمر مني 

ع مفرق طريق...

ياخذوا ضحكاتك هني

والدني تضيق...

اغفى ع شكوكي وظني

وما عود فيق...

شو بخاف...

من الدني بعدك

ما انت الدني...

تنسى إلي وعدك

بأيام الولدني...

أصرخ بالوعي تاردك

تذبل سوسني...

شو بخاف...

اكبر وتحسني عم اكبر...

وتصير لهفتك علي تتغير...

دق ع قلبك لاقي تسكر...

شو بخاف...