حبك مايلزمنيش بقلم فاطمه خاطر

حبك مايلزمنيش

خلاص حبك مايلزمنيش

ومش هاقبل بأي اعذار

وبالقوة ماتغصبنيش

اعيش وياك بلاش اصرار

طريقك عن طريقي بعيد

ومش هافضل اقول وأعيد

ماتحرجنيش

خلاص حبك مايلزمنيش

زمان اول ما قابلتك

وكانت قصتي وياك

لمحت الحب في عيونك

ووعد بإني اكون دنياك

وعشت يومين في فرح وعيد

ولكن فرحي ولي بعيد

لما صبحت لك اسرار

واسمي تاه مع الاسماء

في مره تقوللي يامروة 

ومره تقوللي يا علياء

بعيد ابعد وسيبني اعيش

ءآمن تاني ازاي ليك

وصورة غيري ماليه عنيك

وياريتني اكون ظالماك

يسهل ربي ليه وليك

وانا بارجوك تروح لبعيد

وكل الذكري خدها معاك

عشان حبك مايلزمنيش

اشعار ا/فاطمه خاطر