**صحرة ابليس** بقلم الشاعر أمين الموسوي

عله صيت الگمر من سير اليل

تابوت الشمس جنازه الغروب

لذالك عالوطن لاتعتب بيوم

نواطير الوطن من بوگه متوب

صهل فكر الجهل من گرب الجوع

وكشخ صيت العماله وصار مهيوب

الشجره البت اصل متخلف الفاس

لازم هالغصن بالشجره مشطوب 

ادور ماي وانه بصحرة ابليس

اخذ هجي شعب كل عمره مسلوب

مضيف الكون كاعي وماترد ضيف

وفتحنه بيوتنه وما نعرف البوب

الأعوج مانعرفه بروحنه حسين

والي خضر دغش بدروبنه يتوب

نعزب بالهوه حد اخر الحيل 

ومعزبنه هسى أبَيْته منكوب

اشم ذيل الوطن ماشمن الراس

ادور عن توالي الغيره مطلوب

شيوخ شكثر عدنه وقله يوفون

عگال الماوكف للديره معيوب 

افرزن بالحجي بلگن علي الگا

وادري الغيمه عاگر كله ملعوب

اريد ارسم كفاله واله عباس

وماحطً شريعه وزينب تلوب

تره خيط الشمس صوج الروازين

وبعدك يابوصالح بينه مصيوب 

ضاع الحك بعد واستفحل الموت

نعمه ولو وصل مخبرنه مكتوب