گلتلك وآنه صادق سرّك ابّير بقلم الشاعر زاهد المسعودي
گلتلك وآنه صادق سرّك ابّير
....... أذاً ما بيهه داعي اتگلّي ضمّه
.
وتعقلهه؟ ابيع اسراري للناس
.........ونه الينطيني سر احبابه اغمّه
.
گلبي وياك اخذه وجرحك وياي
........... يبقه ومبري انتَ وياي ذمّه
.
بس گلّي النفس لو ناشد الروح
.......عطر ازلوف شعرك وين اخمّه؟
.
يلتگلّي العشگ وياك جف ماي
........... واطشّر بهيمه اشلون المّه؟
.
تدريني اطك بحرورة الضيم
......... واثمر بس نداك ابريتي اشمّه
.
أحلفك والسمج ماكول مذموم
......... كلامك من اكل مگفاي سمّه؟
.
لو أرسم شعوري ابأيد مأساة
................ شوّفتك ذبيح وسال دمّه
.
اليمشي براي جيبه ابمبدأه يخون
..............ويّضحّي ابحبيبه وما يهمّه
.
وآنه وياك عا (الحب) دوم باشكال
............ تنطي الحاء كسره وآنه ضمّه
.
زاهد:
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المجلة وشكرا
0 التعليقات: