اجلبنك يليلـي وكلبـي يحمل شوك بقلم واثق الكرناوي
اجلبنك يليلـي وكلبـي يحمل شوك
حــــن اعليك صدك جن حنين النوك
مــــوش الصفنه بيك وانت بيها تبوك
ليش الكلبـــــــــي انت تريد تعذيبه
تعذبني اشعلامـــــك وانت بيه تعيل
اجـــر حسرات منك وانه اغني الويل
يـــــــــا ليل ابغيابك لا تحسبه الليل
وي بركـــــــــان هجرك عندي ترتيبه
احسك ويـــــه ريتي اتنفسك يهواي
ياعشكتي وصفنتي ومنيتي ورجواي
ياكشخة حروفي امزامطي وشكواي
علامــــــك حتى فكري تريد تسليبه
احبك اي نعم يا شهكة الريـــــــــــه
تعـال وشوف شوكي اوداعتي شويه
ابصدودك والله صــدك حيل مــــــابيه
مـــــــــو كلبي اعله حبك زاد تدريبه
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المجلة وشكرا
0 التعليقات: